هلوسه00000000

سألت البحر
في الأحلام
أنا سألت البحر
في الأحلام
كيف الموج
يتعالى ويتعالى ؟؟
مرة يقلب المركب
ومرة يداعب العشاق!!
مرة يذوب عالشاطئ
ومرة يذوب في الأعماق!!
مرة يذوب وما نشوفه
ومرة يذوب الأشواق!!
مرة يبتسم يفرح
ومرة زعله ما ينطاق !!
ومرة نجلس بيمه
وتبدأ تفتح الأوراق
وتشكي له عن همومك
حنينك وقلبك الخفاق
يوقف يبتسم يضحك
ويهرب ثاني للأعماق
وتجلس تنتظر يرجع
ودمعك يملأ الأحداق
وجاوبني البحر
تدرين إيش قال البحر عني
إنت مجنون أو عاقل
أو إنك تحب لك بنية
وتعشقها مثل روحك
ومن حبها وفي حبها
تراك تهلوس هلوسة
* * *
لا لا
أنا ما أريد البحر
لأني قمت أشكيله
يتمسخر على حبي
على قلبي
على شوقي
ونبض إحساسي
زعلت من البحر
ورحت يمك
أقلب دفتر
الأشواق والذكرى
وسهت عيني
وشفتك في الحلم
تمشين
على الشاطئ
ونفس الموج
يمسح خطوتك
ويعود
وخفت أعود
وما أشوفك
وخفت أنده
وما تردين
وسارعت الخطى يمك
ورحت (( أبسبس بسبسة ))
قلت لك كذا
(( بس بس بس بس ))
توقفت إلتفت
ويوم إنك تبسمتي
وتلاقت عيني بعيونك
وشفتك تركضي يمي
رحت أركض أنا يمك
ومن فرحي وأنا أركض
تعثرت
وسمعت من خلفي
كأنه شئ يتكسر
هي ساعة
هي مراية
هي كاسه
وأنا على صوت الكسر
صحيت من حلمي
وتذكرت البحر
وإيش قال
أنا مجنون أو عاقل
أو يمكن تراني من حبك
صرت أهلوس هلوسة
* * *
خلاص كذا يكفي
بلاش البحر والأمواج
بلاش النوم والأحلام
وبلا حكايا البسبسة
وصرت أحلم وأنا صاحي
أنا أريدك
مثل ما إنتي
عيونك شعرك ووجهك
رموشك بسمة شفاهك

أريدك
بيدك الدفتر
وإنتي بين طلابك
وعمري يصغر ويصغر
يصير بعمر طلابك
وأكون بصفك الأول
لأني أغلى أحبابك
ومن يقرأ
همسك وصمتك
ويقرأ حتى أفكارك
قبل ما ينطق لسانك
يكون الأول بصفك
وأنا الأول
ومن يحسب
إحساسك ونبضك
وعدد دقات شريانك
وكم مرة هدب رمشك
غطى نبع دمعاتك
يكون الأول بصفك
وأنا الأول


وفجأة
شفتك تقري أفكاري
مثل ما أقرا أفكارك
وجيتي تجلسي جنبي
ولمحت البسمة بعيونك
قبل تتبسم شفاهك
ومنعت بأيدي كلماتك
خايف يغلط لسانك
لا أرجوك !!!
وتذكرت البحر
إيش قال
تدرين البحر
إيش قال
أنا مجنون
أو عاقل
أ و يمكن من حبك
تراني أهلوس هلوسة



اعجبني فنقلته